EKG - Rennt's Herzel?

EKG

EKG is die Abkirzung fer Elektrokardiogramm. Des isch die Uffzeichnung von de elektrische Akdividäd von de Herzmuschkelfasre. Dodefier werren 12 Klewer uf die Haut gebabbt. Des dud nit weh un ma kann was iwwer die Herzfrequenz, de Rithmus un dodriwwer saache, ob emmol en Herzinfarkt war odder isch.

Langzeit – EKG

EKG isch die Abkirzung fer Elektrokardiogramm. Beim Langzeit-EKG werd iwwer 24 Schdunn die elktrisch Aktivität vun de Herzmuschkelfasre uffgezeichnet un dann vumme Dokder ageguggt. Dammit des geht, muss ma sich ä klännes Gerädel umhänge und des wärd mit 3 Babber uf die Bruscht geklebt. Des schteert nid und bleibt 24 Stunn dra. Denooch kann ma was zum Herzrhythmus saache.

Belaschdungs-EKG (Fahrrad-Erometrie)

Beim Belaschtungs-EKG wärd geguckkt, wie gut die Bump unner Stress schafft. Vum Prinzip här geht des wie beim Ruhe – EKG, nur dass ma debei uff ämme Fahrrädel huckt un dräde muss. Des Dräde wärd iwwerd Zeit immer ä bissel schwärer un de Blutdruck wärd ach ab un zu gemesse. Denooch kann ma dann saache, ob de Herzmuschgl unner Astrengung gud durchblut wärd odder nit un ma sieht obs Ritmusschteerunge gäbbt.

Guggen, dass ner eier Hoor uf de Bruschd ä bissel abschneiden (sunst machen mirs), sunscht babben die Knepp nit. Des gilt nadierlich nur fer die Männer.

Guggen, dass ner was aschdänniches fers Fahrradfahre a hän, nämmen was zu drinke un ä Handuch mit. Un Friehsticken ahstännich!