Demenzfrühtesschdung

Dass mer mol was nimmi find oder än Name vergessd isch jo normal. Wenn ner awwer merken, dass sich des aarch geännert hot (dass ner euch zum Beischbiel nimmi erinnern, was ner geschern kschafft hänn), dann missener mit uns redde! Nit immer ischs gleich Alzheimer, awwer:

Je frieher mer feschdschtellt, dass es Alzheimer isch, desto besser kann ma halt was degeche mache.

Gugge du mer do mimm e Frocheboche, dän machen die Praxismäddel mit eich zusamme. Des dauert uhgfer 30 Minudde. Des ganze berädd dann de Dokder mit eich un wenns so wer, dass es ä Demenz isch, dann finner mer ach än Wäch zusamme.

Do hämmer jetzt mol so än Schnellteschd fer eich. Wenn er ä oder mehrmols „ja“ saache deden, dann kummen mol vorbei un mir rädden driwwer:

• Ich such allegebodd Zeich odder wääs nimmi, wo ich hiegehe wolld.
• Mir bassieren bleede Fehler. Ich kann Zeddel nimmi ahschtännich ausfille, verlääf mich mol im Gschäft odder vergess beim Koche es Salz.
• Wenn ich di Zeitung lääs, wäs ich denooch nimmi, was drin gschdanne war.
• Mir fallen als di Wärdder nimmi ei.
• Wenn ich mool wo annersch bin, kumm ich nimmi so gut zurecht.