Gugg mer mol uffs Blut

Do wärd in de Arm gschtoche un ä bissel Blut rausgezoche. Des geht dann ins Labor un die guggen sich des a. Die kinnen dann sache, ob ma krank is oder ob zum Beischbiel d Fette odder de Zucker zu hoch sinn.

Mir nämmen immer vun Dienschdaach bis Dunnerschdaach vum achte bis um neune Blut ab. Vorher missener nit aarufe, äfach kumme!

Was mer abnemmen entscheid de Dokder VORHER. Es gibt Zeich, des zahlt die Kass nit, des missener dann halt selwer zahle.

Denken dra, dass ner fer bestimmte Sache nichtern sei missen (des hässt morchens nur noch Wasser drinke un nix mä esse). Froochen am Beschde vorher bei de Praxismädels noch, die kinn eich des genau saache!